Батаника бағына көптеген адамдар қаланың шуынан демалып, жасыл желектен тыныс алуға келеді. Алайда тазалықты сақтамау, аумақта қоқыстарды қалдырып кету жағдайлары кездесуде.
Акцияның мақсаты – қоқыстар мәселесіне назар аудару және Ботаника бағының маңыздылығын еске салу. Бұл қоқыс тастайтын жер емес, ғылыми кешен.
Акцияға мектеп оқушылары, студенттер, еріктілер де қолдау көрсетті. Ең белсенді қатысушыларға экоакция ұраны жазылған сөмкелер мен кәдесыйлар табыс етілді.
— Ботаника бағын тазарту акциясын ұйымдастыру жасыл аймақтың сыртқы келбетін жақсартуға ғана емес, экожүйені сақтауға да септігін тигізеді. Ботаника бағы таза болса, астана тұрғындары мен қонақтары үшін сұлулық қана емес, денсаулық пен таза ауа деген сөз. Сонымен қатар, акция қатысушылардың экологиялық жауапкершілігін арттыруға ықпал етеді. Сондай-ақ, осы шара аясында Ботаника бағында жүру ережелерін көрсететін ақпараттық белгілер де жаңартылды, дейді «Юксалиш» қозғалысының Азаматтық қоғам институттарымен ынтымақтастық бөлімінің басшысы Саида Мустафоева.
— Біз Ботаника бағы аумағында көп желім ыдыстар жатқанын көрдік, олар табиғатқа өте зиян әкеледі. Бүгін акцияға қатысып, бақтың аумағындағы сондай қоқыстардан тазартуға үлес қостық. Бақтың қызметкерлерінің жасап жатқан жұмыстарына риза болдық, олар ағаштар туралы мәліметтер берді, сонымен қатар, бұл жерге келушілер баққа зиян жеткізуі туралы ақпарат берді. Шара тек экологиялық емес, сонымен қатар маңызды білім сипатында болды, дейді IT Community of Uzbekistan өкілі Валентина Устинова.
Қоршаған ортаға ұқыптылықпен қарау маңызды, қаламыздың табиғатын сақтау үшін бірлесе жұмыс жасауымыз қажет.
Мәлімет ретінде: Ботаника бағында 4 500-ден астам ағаш, гүлдердің және тағы басқа да өсімдіктердің түрі бар. Бұл жерде Орталық және Шығыс Азияның, Солтүстік Америка мен Еуропаның, Кавказдың және Қиыр Шығыстың флорасының әртүрлілігін көрсететін бірнеше ландшафттық аумақтар бар. Бұл отбасылық, топтық серуендеу үшін тамаша орын, бірақ табиғатқа жауапкершілікпен қарауды ұмытпау керек.
«Юксалыш» қозғалысының баспасөз қызметі.
