Келіссөздер барысында екіжақты ынтымақтастықтың өзекті мәселелері бойынша пікір алмасылды. Тараптар екі ел арасындағы экономикалық серіктестік көрсеткіштері айтарлықтай өсіп келе жатқанын айта келе, оларды одан әрі арттыру бойынша бірлескен іс-әрекеттерді жандандыруға келісті.
Соңғы төрт жылда өзбек-түрікмен тауар айырбастау көлемі бес есеге артқаны, ал 2021 жылы тауар айналыымының көлемі өткен жылға қарағанда 65 пайызды құрағаны тілге тиек етілді. 2021 жылдың сентябрь айында өткен жоғары деңгейдегі іс-шаралардың қорытындылары бойынша қол қойылған бірқатар сауда келісімдері бүгінде өмірге енгізілді.
Екі мемлекет аумақтарында орналасқан өнеркәсіп нысандарын жұмылдырып өнеркәсіптік кооперацияны жандандыру және толық қосылған құн тізбегін құру іс-шаралары талқыланды. Өзбекстан мен Түркіменстан экономикаларының бәсекелестік үстемдіктері негізінде айқындалған жаңа болашағы зор бағыттар бойынша өндіріс саласындағы ынтымақтастықты кеңейту бойынша ұсыныстар жасалды.
Аймақаралық ынтымақтастықты нығайту механизмдері қаралды. Тараптар өнеркәсіптік кооперацияның жаңа жобаларын және сауда келісім-шарттарын жасау мақсатында екі мемлекет аумақтары әкімшіліктерінің қызметін үйлестіруді күшейтуге келісті.
Тараптар азық-түлік қауіпсіздігі саласында тәжірибе алмасу мақсатында Өзбекстан мен Түркіменстан министрліктері мен кеңселері делегацияларының сапарларын ұйымдастыруға өзара дайын екендіктерін білдірді.
Кездесу соңында екіжақты қарым-қатынастың барлық бағыттары бойынша сындарлы ынтымақтастықты жалғастыру, туындаған мәселелер бойынша жұмыс істеу және оларды бірлесіп шешу келісілді, деп хабарлайды Инвестициялар және сыртқы сауда министрлігінің баспасөз қызметі.
