Жаңартылған әдістеме халықаралық статистикалық стандарттарды ескере отырып,
Халықаралық валюта қоры сарапшыларының қолдауымен әзірленді және 2026 жылдың II
тоқсанынан бастап қолданысқа енгізілді.
Аталған өзгерістер тұрғын үй базарындағы баға динамикасын неғұрлым дәл
көрсетуге, есептеулердің талдамалық мүмкіндіктерін кеңейтуге және түрлі
кезеңдердегі көрсеткіштерді өзара салыстыру мүмкіндігін арттыруға қызмет етеді.
Жетілдірілген әдістеменің маңызды ерекшеліктерінің бірі – есептеулерде
гедоникалық регрессия әдісінің енгізілуі. Гедоникалық регрессия – тұрғын үйдің
бағасын оның негізгі сипаттамаларына, атап айтқанда, ауданына, орналасуына,
қабатына, бөлме санына және басқа да факторларға қарай бағалауға мүмкіндік
беретін статистикалық әдіс.
Бұл тәсіл базарда ұсынылған нысандар құрамындағы айырмашылықтардың әсерін азайтып, дәл баға
динамикасын неғұрлым нақты өлшеуге мүмкіндік береді.
Сонымен қатар, жаңа әдістемеде бақылау аясы кеңейтіліп, жеке тұрғын үйлер
де есептеулерге енгізілді. Деректер базасын қалыптастыру кезінде жылжымайтын мүлік
базарындағы хабарландырулар, соның ішінде OLX.uz платформасы мен басқа да ашық
дереккөздердің мәліметтері пайдаланылады.
Тұрғын үй нарығындағы баға индекстері әр тоқсан сайын Ұлттық статистика
комитетінің ресми веб-сайтында және SIAT жүйесінде кестелер мен графиктер
түрінде жарияланып отырады.
