Отабек Турсунбековтың айтуынша, Өзбекстанда мұнай-газ саласын дамыту мақсатында өткен жылдың декабрь айында Қашқадария облысының Ғузар ауданында құны 3,42 миллиард доллар болатын «Uzbekistan GTL» синтетикалық отын шығаратын зауыт іске қосылған.
Аталмыш кәсіпорында әр жылы жалпы құны 1 миллиард доллардан астам импорттың орнын басатын мұнай өнімдері мен көмірсутектерді өндіру жоспарланған.
Сондықтан мұнай-газ саласын кәсіби мамандармен қамтамасыз ету мақсатында Өзбекстан тарапы шетелдік жетекші жоғары оқу орындарының филиалдарын ашу мәселесін қарастыруда.
Қазақстандық тарап Қаршы қаласында университеттің филиалын ашуға қызығушылық танытты. Тараптар осы мәселе бойынша жұмысты бастауға келісті.
