Келіссөздер барысында екіжақты сауда-экономикалық және инвестициялық ынтымақтастықты кеңейту мәселелері жан-жақты талқыланды.
Екі ел базарларына сұранысқа ие өнімдерді жеткізу арқылы тауар айырбастау көлемін арттыру мәселелеріне ерекше көңіл бөлінді.
Тараптар іскер топ өкілдері арасында ынтымақтастық орнату және сол арқылы экспорт-импорттық әлеуетті арттыру мақсатында екі елдің сауда-өнеркәсіп палаталары мен оларға мүше кәсіпорындардың қатысуымен онлайн дөңгелек үстел сұхбаттарын өткізуге келісті.
Ынтымақтастықтың алдағы бағыттары ретінде тоқымашылық, былғары-аяқ киім, ауыл шаруашылығы, азық-түлік және балық шаруашылығы салалары белгіленді.
Бұдан тыс, өзара сауда-экономикалық ынтымақтастықты жаңа басқышқа көтеру мақсатында сауда-экономикалық және ғылыми-техникалық ынтымақтастық бойынша Үкіметаралық комиссияның кезектегі жиналысын өткізуге және осы шараның нәтижелілігін қамтамасыз ету шеңберінде іскер топтардың қатысуымен бизнес-форум ұйымдастыру келісілді, деп хабарлайды Инвестициялар және сыртқы сауда министрлігінің баспасөз қызметі.
