Өзбекстан Республикасының Президенті Шавкат Мирзиёев Хорезм облысына жасаған сапарының бірінші күнінің соңында Энергетика министрлігі, «Узкимёсаноат» АҚ және ірі шетелдік инвестициялық компания басшылығымен кездесу өткізді.
Хорезм облысында жалпы инвестиция көлемі 10 миллиард доллардан асатын ірі газ-химиялық жобаны бірлесіп жүзеге асыру мәселелері талқыланды.
Келешекте жылына 2,5 миллион тонна өнім өндіріліп, 3 мың жұмыс орны ашылады деп күтілуде. Жобаны іске асыру мерзімі 2024-2028 жылдар.
Жоба газ-химиялық желінің дамуына жаңа серпін беріп, Жаңа Өзбекстан индустриясының флагмандарының біріне айналады.
Өзбекстан Республикасы Олий Мажлисі Заң шығару палатасының кезектегі мәжілісінде бір топ депутаттар заңдылық бастамасының құқықтық негізде жасаған — “Өзбекстан Республикасының кейбір заң құжаттарына қосымша және өзгерістер енгізу туралы” заң жобасы бірінші оқылымда тұжырымдамалық тұрғыдан қаралды.
