Шу муносабат билан Президентимиз Шавкат Мирзиёев ёрқин истеъдоди, юксак профессионал маҳорати, кўп йиллик самарали ижодий фаолияти билан ўзбек эстрада санъатини ривожлантириш, унинг шон-шуҳратини халқаро миқёсда кенг тарғиб этишдаги алоҳида хизматлари учун ансамбль ижодий жамоасини мукофотлаш тўғрисидаги фармонни имзолади.
Жумладан, "Ялла" бадиий раҳбари Фаррух Закиров "Эл-юрт ҳурмати" ордени билан, созандалари Аббос Алиев, Игорь Халиков, Тимур Халиков, директори Жавлон Тохтаев "Дўстлик" ордени билан мукофотланди. Ушбу фармон ансамбль юбилейига бағишлаб ўтказилган тантанали тадбирда ўқиб эшиттирилди.
Қутлуғ юбилейингиз ва давлатимизнинг юксак мукофотлари муборак бўлсин! Жамоангизга мустаҳкам соғлик-саломатлик, янги ютуқ ва зафарлар ёр бўлишини тилаймиз, деб ёзмоқда Ўзбекистон Республикаси Президентининг матбуот котиби.
