Сурхондарёда йўлга қўйилган кичик кластер лойиҳасининг мақсади тол ва қамишдан турли хил ҳунармандчилик маҳсулотларини ишлаб чиқаришга мўлжалланган.
Кластерларга «Аёллар дафтари»га кирган ишсиз хотин-қизлар жалб этилган.
Бошланғич босқичда 30 нафар аёлга ҳунар ўргатилади. Кейинчалик улар ўз туманидаги 10 нафардан 40 нафаргача аёлларга ҳунар ўргатади.
Натижада, 1 000 нафардан ортиқ сурхондарёлик аёллар бандлиги таъминланади.
Ҳозирча, сават тўқиш учун ишлатиладиган тол Англия давлатидан олиб келинади. Кейинги йилдан хом ашё ўзимизда етиштирилади. Бунинг учун ер майдонлари ажратилган.
Тайёр маҳсулотни сотиш учун бозорлар ҳам ўрганилган. Тайёр маҳсулотларни ички бозорга, шунингдек, Россия, Хитой ва қўшни давлатларга экспорт қилиш имкониятлари ўрганиб чиқилган, деб хабар беради Сурхондарё вилоят ҳокимлиги матбуот хизмати.
