Ёшлар масаласи давлат сиёсати даражасига кўтарилиб, жойларда ёшларнинг ижтимоий-иқтисодий фаоллигини оширишга, уларни тадбиркорлик фаолиятига кенг жалб қилишга, ёш тадбиркорларнинг истиқболли ғоялари ва лойиҳаларини рўёбга чиқаришга, шунингдек, уларни юксак маънавиятли, зукко, билимдон, юрт тақдирини ўз зиммасига олишга қодир авлод сифатида вояга етказиш учун зарур шарт-шароитлар муҳайё қилинмоқда.
Шу муносабат билан Вилоят касаба уюшмалари ташкилотлари бирлашмаси ташаббуси, “Zarafshon Golden Group” компанияси раҳбари У.Файзиев кўмагида, “Ёшлар келажагимиз” жамғармаси Навоий вилоят филиали ҳамкорлигида "1+1" дастури доирасида ёшларга келажакда муносиб иш жойини топишларига кўмаклашиш ҳамда йирик тадбиркорлик субъектлари фаолияти билан яқиндан таништириш мақсадида, “Ёшлар дафтари”га киритилган, тадбиркорликка иштиёқи бор ишсиз ёшлар иштирокида “Zarafshon Golden Group” компаниясининг энг охирги технологиялар асосида қурилган йирик ишлаб чиқариш заводлари ҳамда ҳозирги замон талабларига мос равишда ишлаб чиқарилаётган қишлоқ хўжалиги маҳсулотлари етиштиришга мўлжалланган иссиқхоналарга саёҳат уюштирилди.
Саёҳат давомида мазкур компания томонидан ишлаб чиқарилиб чет давлатларга экспорт қилинаётган ҳар хил турдаги қурилиш материалларининг ишлаб чиқариш босқичлари, қишлоқ хўжалиги маҳсулотлари, гул кўчатларининг парваришлаш жараёнлари компания мутахассислари томонидан тушунтириб борилди.
