Бу йил мутахассисликлар рўйхати кенгайтирилиб, овоз режиссёрлиги ва актёрлик санъати каби янги йўналишлар қўшилди. Беш йўналиш бўйича эълон қилинган ўринлар учун республиканинг барча ҳудудларидан 33 та талабгорлар танлаб олинди.
14 март куни Россия Фан ва маданият марказида абитуриентлар ўртасида биринчи босқич, 17 апрель куни эса суҳбат шаклидаги иккинчи саралаш босқичи ўтказилди.
Имтиҳон комиссияси таркибида чет эллик мутахассислардан ташқари, Ўзбекистон Кинематография агентлиги Бош директорининг биринчи ўринбосари, филология фанлари номзоди Шуҳрат Ризаев ва Агентлик ижро аппарати раҳбари, Санъатшунослик фанлари бўйича фалсафа доктори Элдор Йўлдошевлар ҳам иштирок этишди.
Учинчи, ижодий босқич жорий йилнинг июль ойида ўтказилиши режалаштирилган. Кириш имтиҳонлари Бутунроссия давлат кинематография институти (ВГИК)нинг профессор‐ўқитувчилари иштирокида бўлиб ўтади.
Кинематография агентлиги ахборот хизмати
