Бу ҳақда 18 декабрь, пайшанба куни Оқ уй маълум қилди.
Миллий мудофаага тўғрисидаги қонун (National Defense Authorization Act, NDAA) “уруш департаментига менинг “Тинчлик орқали куч” сиёсатимни амалга ошириш, Ватанни ички ва ташқи таҳдидлардан ҳимоя қилиш ва мудофаа саноат базасини мустаҳкамлаш имконини беради, шу билан бирга давлатимиз ҳарбий хизматчиларининг маънавиятини бузувчи исрофгарчилик ва радикал дастурларни молиялаштиришни тўхтатади”, деди Трамп Оқ уй сайтида эълон қилинган баёнотда.
АҚШ Конгрессининг Вакиллар палатаси NDAAни 11 декабрда, Сенат эса қонунни 17 декабрда маъқуллади. Ҳужжат, жумладан, ҳарбий хизматчиларнинг иш ҳақини 3,8 фоизга ошириш, ҳарбий техника харид қилиш, АҚШнинг асосий рақиблари – Хитой ва Россияга нисбатан рақобатбардошлигини кучайтириш чораларини кўзда тутади dw.com.
