Буюк Британия бош вазири Борис Жонсон Буюк Британия ва Ирландия 2030 йилги жаҳон чемпионатини биргаликда қабул қилишни режалаштираётганини айтиб ўтди. Бу ташаббусни Англия, Уэльс, Шотландия Шимолий Ирландия ва Ирландия Республикаси футбол ассоциациялари қўллаб-қувватлаган.
“Футбол уйига қайтади. Жаҳон чемпионатига мезбонлик қилиш мамлакатларимизга сезиларли фойда келтириш учун ажойиб имкониятдир”, – деди Жонсон.
Эслатиб ўтамиз: 2030 йилги чемпионатни ўтказиш учун буюртмалар бериш 2022 йилда бошланади.
