Божхона органлари ходимлари ноқонуний дори воситалар айланмасига чек қўйиш мақсадида тизимли равишда тезкор тадбирлар ўтказиб келмоқдалар.
Навбатдаги тезкор тадбир Тошкент вилояти божхона бошқармаси Контрабандага қарши курашиш ва божхона аудити бўлими, ҳамда Ўзбекистон Республикаси Бош прокуратура ҳузуридаги Иқтисодий жиноятларга қарши курашиш департаменти билан ҳамкорликда Зангиота тумани ҳудудида бўлиб ўтди.
Ўтказилган тезкор тадбир давомида, фуқаро К.Х. “KIA BONGO III” русумли юк автотранспорт воситасига юкланган умумий қиймати 300 миллион сўмлик жами 10 000 қути “Цефоперазон 1,0г” ва “Сульбектам 0,5” номли дори воситаларини шартли харидорга ноқонуний тарзда сотаётган вақтида ашёвий далиллар билан қўлга олинди.
