2022-2026 йилларга мўлжалланган Янги Ўзбекистоннинг тараққиёт стратегияси 4-йўналиши 69-мақсадида хотин-қизларни қўллаб-қувватлаш, уларнинг жамият ҳаётидаги фаол иштирокини таъминлаш назарда тутилган.
Навоий вилоят Хотин-қизлар тадбиркорлик маркази ана шу мақсадни амалга оширишга киришди. Гап шундаки, марказ ходимлари Кармана туман аҳоли бандлигини таъминлаш бош бошқармаси билан ҳамкорликда тумандаги ишсиз 13 хотин-қизни 60 соатга мўлжалланган “Тадбиркорлик” ўқув курсида ўқитди.
Ўқув жараёнида хотин-қизлар миллий ҳунармандчилик йўналишида фаолият олиб бораётган тадбиркор ҳамда марказ тренери Л.Ҳусанованинг фаолияти билан танишди. Натижада, уларда амалиётда қандай қилиб ўз бизнесини йўлга қўйиш мумкинлиги ҳақида тасаввур пайдо қилди.
Ўқув курси якуний дарсида хотин-қизлар эгаллаган билимлари юзасидан тест синови топширди.
Тест синовидан ўтган хотин-қизларга сертификатлар топширилди. Эндиликда улар қўлида ҳунари билан ўз бизнесини очиши ёки бирон корхонада бемалол ишлаши мумкин бўлади.
