“Беларусский футбол” нашрининг хабар беришича, Беларуснинг “Энергетик-БГУ” клуби ҳамда Ўзбекистон миллий жамоаси аъзоси Абдуқодир Ҳусанов фаолиятини Франция чемпионатида давом эттиради. Нашрнинг ёзишича, ўзбекистонлик 19 ёшли ҳимоячи Франция чемпионати вице-чемпиони “Ланс” клуби билан шартнома имзолаган. Француз клуби вакиллари ҳозирча бу хабарни расман тасдиқламаган.
Лансликлар якунланган мавсумда Фарнция чемпионатида 2-ўринни эгаллаган ҳолда Европа Чемпионлар лигасига йўлланма олган.
Аввалроқ, Ўзбекистон ёшлар жамоаси (U20) сафида Осиё чемпиони бўлган ва Аргентинадаги ёшлар ўртасидаги ЖЧ-2023да иштирок этган Абдуқодир Ҳусанов ўйинларини европалик скаутлар кузатгани ҳақида хабарлар тарқалганди.
