Бошга кийиладиган қурилмада 40 Гц частотада эшитиш ва визуал гамма-сенсорли стимуляция қўлланилади.
Мутахассислар кўнгиллиларда тадқиқот ўтказди. Беморларнинг баъзилари гаджетдан олти ой давомида кунига бир соат, бошқалари эса фақат гаджет тақлиди — плацебодан фойдаланди. Натижа шуни кўрсатдики, биринчи гуруҳда мия оқ моддасининг даражаси кўтарилган, иккинчи гуруҳда эса камайган.
Клиник тадқиқотнинг умумий натижалари гамма-сенсор стимуляцияси хавфсиз эканини кўрсатди. Самарадорлик натижалари ижобий клиник таъсирлар, жумладан, когнитив ва функционал қобилиятни сақлаб қолиш, мия атрофиясини камайтириш ва уйқу сифатини яхшилашда намоён бўлди.
“Миянинг катта қисмини боғлайдиган оқ модданинг муҳим ролини ҳисобга олган ҳолда мия атрофиясининг олдини олиш ёки камайтириш касаллик ривожланишини секинлаштириши мумкин. Тадқиқот натижалари бизнинг терапиямиз альцгеймер ва енгил когнитив бузилишлар, шунингдек, оқ модда ва миелинизацияни йўқотиш билан кечадиган бошқа нейродегенератив касалликларга учраган беморларнинг саломатлигини яхшилаш имкониятига эга эканлигини кўрсатди, — деди Cognito Therapeutics тадқиқотчиси Михай Хайос.
