Journal of Alzheimer's Disease журналида чоп этилган тадқиқотда ёзилишича, мультимодаль, шахсийлаштирилган даволаш режаси Альцгеймер касаллиги билан оғриган одамларнинг когнитив функциясини яхшилайди.
Иш давомида олимлар когнитив бузилишлари бўлган 34 иштирокчини кузатишди. Олти ой давомида беморлар мунтазам равишда клиникаларга боришди ва овқатланиш бўйича ҳар ҳафта телефон орқали маслаҳат олишди. Когнитив функция Монреаль когнитив баҳолаш (MoCA) усули ёрдамида кузатув бошланишидан олдин ва тадқиқот бошланганидан бир, уч ва олти ой ўтгач баҳоланди.
Натижалар шуни кўрсатдики, олти ойдан сўнг иштирокчиларнинг мия фаолияти сезиларли яхшиланди. Шундай қилиб, MoCA кўрсаткичлари 19,6 дан 21,7 пунктга кўтарилди. Бундан ташқари, иштирокчиларнинг хотираси, фикрлаши, оғзаки нутқи ва концентрацияси яхшиланди. Тадқиқотчилар когнитив нуқсонлари бўлган одамларга шахсийлаштирилган, ҳар томонлама ёндашув муҳимлигини таъкидлашди, деб хабар беради lenta.ru.
