Тажрибада нейродегенератив касалликка тақлид қилувчи кемирувчилар нейронларидан фойдаланилди. Mdm2 оқсилини нутлин деб номланувчи экспериментал саратонга қарши дори воситаси билан нишонга олиш Альцгеймер касаллиги тиқинларини ҳосил қилувчи нейротоксик амилоид-β пептидларини тўхтатади ва дендритик тиканлар йўқолиши орқали синапсларни бартараф этади.
Дендритик тиканлар, бу – дендритлардан ташқарига чиқадиган ва синапслар орқали аксонлардан нерв сигналларини қабул қиладиган проекциялар. Ортиқча дендритларни кесиш биологик нейротармоқнинг самарадорлигини ошириш учун одатий жараёндир, аммо Альцгеймер касаллигида синапсларнинг йўқолиши ғайритабиий даражада тезлашади.
Олимларнинг кейинги қадами Mdm2ни тўсиб қўйиш касалликнинг ривожланишига тўсқинлик қила оладими ёки йўқлигини текшириш учун ҳайвонлар моделларидан фойдаланиш бўлади. Mdm2га қаратилган дорилар аллақачон ишлаб чиқилган ва саратон касаллигига қарши клиник синовдан ўтказилмоқда, аммо ҳали ҳам АҚШ озиқ-овқат ва дори воситалари сифати устидан санитар назорат бошқармасининг рухсатини олмаган, деб хабар беради lenta.ru.
