Тадқиқотда ушбу нейродегенератив касалликнинг дастлабки босқичида бўлган 1800 киши иштирок этди. 18 ой давомида ҳар икки ҳафтада иштирокчилар леканемаб ёки плацебо (назорат гуруҳи учун) қабул қилишди.
Олимлар когнитив ва функционал қобилиятларни ўлчайдиган 18 баллик шкала ёрдамида ўзгаришларни кузатдилар.
Дори қабул қилганларда ақлий қобилият секинроқ пасайди, аммо иккинчи гуруҳ билан фарқ бу шкала бўйича ярим баллдан ошмайди. Бундан ташқари, тадқиқот давомида леканемаб олган беморларда касалликнинг кейинги босқичига ўтиш эҳтимоли 31 фоизга кам бўлган.
Бундай дорилар амилоидга қаратилган бўлиб, улар мияда шиш ва қон кетишини ўз ичига олган ён таъсирга олиб келиши мумкин. Ушбу шишнинг бир тури беморларнинг тахминан 13 фоизида кузатилган, аммо олимлар кўпчиликда у енгил ёки аломатсиз шаклда ўтганлигини таъкидлашди.
Муаллифларнинг фикрича, тадқиқотнинг камтарона натижаларига қарамай, улар клиник аҳамиятга эга, чунки касалликнинг ривожланишини бир неча ойга кечиктириш ҳам баъзи одамлар учун фойдали бўлиши мумкин.
АҚШ озиқ-овқат ва фармацевтика идораси (FDA) ҳозирда леканемабни тезкор тасдиқлашни кўриб чиқмоқда, қарор 2023 йил январь ойида қабул қилинади.
Агар тасдиқланса, леканемаб АҚШ бозоридаги иккинчи антиамилоид дори бўлади.
