Газетанинг ёзишича, бугунги кунда Ўзбекистонда фермерларнинг аксарияти давлатдан ижарага олинган ерларда кичик фермер хўжаликларида меҳнат қилмоқда, шунинг учун уларнинг харажатларини камайтирадиган техник ечимлар мамнуният билан қабул қилинади.
Қайд этилишича, экспорт ҳажмининг ўсиши учун 2021 йил сентябрь ойида фермерларни экспортчилар ва бошқа харидорлар билан боғлаб, воситачини сиқиб чиқарадиган «Dalatek» веб-платформаси ишга туширилган.
Ишлаб чиқувчилар хизматни бот сифатида тақдим этишди, чунки барча фермерлар Telegram дан фойдаланадилар. Мақолада айтилишича, фермерлар ўзларида бор нарсаларни юклаб олишади ва экспортёрлар фермерни кўришлари ва боғланишлари мумкин.
Нашр «Dalatek» веб-платформаси асосчиси Дилдора Отажановадан иқтибос келтирган ҳолда, «2021 йил сентябрида ишга туширилганидан бери «Dalatek»нинг 1 200 фойдаланувчиси борлигини ёзади. Унинг салоҳиятли бозори жуда катта: Ўзбекистонда 5 миллион деҳқон хўжалиги ва 92,6 минг йирик фермер хўжаликлари мавжуд. Бошқа мамлакатларда ҳам фаолиятни кенгайтириш режалаштирилган.
Платформа ялпи ички маҳсулотнинг 28 фоизини ишлаб чиқарадиган ва ишчи кучининг 27 фоизини иш билан таъминловчи Ўзбекистон қишлоқ хўжалиги сектори учун ўзгарувчи бўлиши мумкин, дея хулоса қилади «Eurasianet.org». деб хабар беради «Дунё» АА.
