“Модерна” биотехнология компаниясининг хабар беришича, бу вакцинанинг олдинги босқичидан ижобий натижалар олинган. Бу жараёнга АҚШ давлат бюджетидан ажратилаётган 500 млн АҚШ долларидан ташқари, яна 472 млн АҚШ доллари тақдим этилади.
Оксфорд олимларининг коронавирусга қарши вакцинаси ҳам синовдан муваффақиятли ўтди. Британиялик мутахассислар ушбу синовнинг икки босқичини синхронлаштиришга қарор қилишди.
— Агар ушбу тажрибаларнинг учинчи босқичи ҳам ижобий натижалар билан ўтса, куз фаслида ишлаб чиқаришни йўлга қўямиз, — дейди Бирлашган Қироллик соғлиқни сақлаш вазирлиги.
Вирусдан ҳалок бўлганлар сони бўйича АҚШдан кейинги ўринда тураётган Бразилияда ҳам вакцинани синовдан ўтказиш ишлари бошланди. Сан-Паулу унивеситети лабораториясида Хитойда ишлаб чиқарилган вакциналар синаб кўрилмоқда.
