Дональд Трамп 2025 йил январь ойида лавозимга киришган куни келишувдан чиқиш тўғрисидаги фармонни имзолади. Париж келишуви глобал исишни чеклаш ва иқлим ўзгаришининг энг ҳалокатли оқибатлари хавфини камайтиришга қаратилган.
Келишувдан чиқиш АҚШ энди ўзини иссиқхона газлари чиқиндиларини камайтириш мажбуриятлари билан боғлиқ деб ҳисобламаслигини англатади. Америка томони халқаро иқлим конференцияларида иштирок этишни ҳам тўхтатади. Бундан ташқари, бу қарор энг кам ривожланган мамлакатларга иқлим ўзгариши оқибатларига мослашиш ва улардан ҳимоя қилишда ёрдам бериш дастурларини молиялаштиришнинг камайишига олиб келиши мумкин.
АҚШ Хитойдан кейин дунёда иссиқхона газлари чиқиндилари бўйича иккинчи ўринда туради. БМТнинг ҳисоб-китобларига кўра, агар ҳозирги глобал иқлим сиёсати давом этса, XXI асрнинг охирига келиб ўртача глобал ҳарорат саноатгача бўлган даражадан тахминан Цельсий бўйича 2,8 даражага кўтарилиши мумкин. Халқаро ташкилотларнинг фикрига кўра, АҚШнинг келишувдан чиқиши бу кўрсаткични тахминан Цельсий бўйича 0,1 даражага ошириши мумкин.
Вашингтоннинг қарори атроф-муҳит ташкилотларининг танқидига сабаб бўлди. Greenpeace Deutschland раҳбари Мартин Кайсер АҚШнинг чиқишини халқаро ҳуқуқий тартибнинг “геосиёсий ўт қўйиш” деб атади ва бу нефть ва газ саноати манфаатларига хизмат қилишини айтди. Унинг сўзларига кўра, Европа иқлим сиёсатини давом эттириш учун янги иттифоқларни кучайтириши керак ва иқлим мақсадларидан воз кечиш “нотўғри реакция” ва “таслим бўлиш” бўлади.
Бу Дональд Трамп даврида АҚШнинг Париж иқлим келишувидан иккинчи бор чиқиши. Унинг президентигининг биринчи муддати давомида ҳам Қўшма Штатлар келишувдан чиққанди, аммо Жо Байден маъмурияти даврида унга қайта қўшилди. Шу йил бошида Трамп маъмурияти яна БМТнинг иқлим ўзгариши бўйича доиравий конвенциясидан чиқиш ва иқлим ўзгариши бўйича ҳукуматлараро гуруҳда иштирок этишни тўхтатиш ниятини эълон қилди, деб хабар берди inform.kz.
