2018 йилдан ишга туширилган Summit компьютери ҳисоблаш қуввати бўйича дунёда иккинчи қурилма ҳисобланади. Тадқиқот учун ушбу машинага етти кун керак бўлди. Шу вақт оралиғида тахминан 17 минг генетик намуналар ичидан 40 мингдан зиёд ахборот ўрганиб чиқилган. Summit компьютери икки ярим миллиардга яқин комбинацияни ўқиб чиққан, деб хабар беради eLife.
Қўлга киритилган маълумот COVID-19нинг тарқалишига қон томирнинг кенгайиб кетиши натижасида қон босими тушиб кетишига олиб келадиган молекулаларнинг тўфони асосий сабаб экан деган хулосанинг келтириб чиқарган. Демак, касалликни даволаш учун организмда ушбу молекулаларнинг ортиб кетишига тўсқинлик қиладиган дори воситаларидан фойдаланиш керак экан. Бундай дори воситалари жуда кенг тарқалган.
Шу билан бирга мутахассислар компьютер тадқиқоти натижаларини яхшилаб текшириш керак деган фикрдалар.
Аввалроқ Россия фанлар Академияси мухбир-аъзоси, инсон морфологияси Илмий-текшириш институти илмий раҳбари Лев Кактурский коронавирус инфекциясининг муҳим жумбоқларини санаб ўтганди. Унинг сўзларига қараганда, бу касаллик грипп ва SARSга қараганда хавфлироқ бўлиб, у ўз қурбонини «енгади».
Шунингдек олим COVID-19 нинг ўпкани бошқа инфекцияларга қараганда қаттиқроқ шикастлантиришини таъкидлаган. Коронавирусда органнинг икки томонлама шамоллаши кузатилган. Бу энг хавфлиси, чунки бунда қон кислород билан таъминланмайди ва газ алмашинуви блокировка қилиниши туфайли ўпкага сунъий нафас бериш ожизлик қилади.
Кактурский COVID-19 ни тест орқали аниқлаб бўлмаслиги, уни фақат ёриб кўриб билиш кераклигини кўплаб марта такрорлаган. У шунингдек, касаллик одамларни «танлаб» шикастлаши ҳалигача номаълум эканлигига эътибор қаратган. Эксперт ҳамма гап иммун тизимининг ҳужайрасида деган тахминни илгари сурди, деб ёзади NEWS.ru.
