“Жорий йилнинг 29 август куни Ўзбекистон Ташқи ишлар вазирлиги таклифига биноан, АҚШлик бир гуруҳ журналистлар - Рафаэль Некталов, Ари Каган, Мелик Кейлан, Энди Исааксон Ўзбекистон мустақиллигининг 31 йиллиги ҳамда АҚШ ва Ўзбекистон ўртасида дипломатик муносабатлар ўрнатилганининг 30 йиллигига бағишланган тантаналарда иштирок этиш учун Тошкентга келди, - деб ёзади нашр. – Ташриф дастурида меҳмонларнинг мамлакат ҳукумати аъзолари, ҳокимлар билан учрашувлар ўтказиш, Тошкент ва Самарқанд олий ўқув юртларида маърузалар қилиш, кенг кўламли таъмирлаш ишларидан сўнг Қўқондаги яҳудийлар қабристонининг очилиш маросимида иштирок этиш, “Ўзбекистон – Америка” дўстлик жамияти томонидан Миллатлараро муносабатлар ва хорижий давлатлар билан дўстлик алоқалари қўмитасида журналистлар ва маҳалла фаоллари иштирокида ташкил этиладиган матбуот анжуманида қатнашиши кўзда тутилган”.

Нашрда қайд этилишича, 30 август куни америкалик журналистлар делегацияси Ўзбекистон парламенти қуйи палатаси Спикери ўринбосари Одилжон Тожиев ва депутат Дилором Хўжаева, шунингдек, Тошкент шаҳар ҳокимининг инвестициялар ва инновациялар, саноат ва туризмни ривожлантириш масалалари бўйича биринчи ўринбосари Шароф Раҳмонов билан учрашган ва пойтахтнинг диққатга сазовор жойлари билан танишган. «31 август куни улар Ўзбекистон Мустақиллигининг 31 йиллигига бағишланган тантанада иштирок этди», деб ёзади “The Bukharian Times”.

АҚШ журналистларидан иборат делегация 8 сентябрь кунигача Ўзбекистонда бўлади.