Ҳодиса Gunfighter Skies авиашоу пайтида содир бўлган, деб ёзади Idaho Statesman база вакили Антуан Хэнксга таяниб.
Гувоҳлар томонидан олинган видеода тўқнашувдан кейин иккала самолёт ҳам ҳавода айланиб юргани, кейин ерга қулагани ва зарбадан портлагани кўрсатилган. Ҳалокат жойи устида тўртта парашют очилиб, осмонга қора тутун кўтарилди, деб хабар берди Kazinform.
Авиашоу бошловчиси томошабинларга экипаж аъзолари муваффақиятли равишда сакраганини ва уларнинг парашютлари нормал очилганини айтди.
Associated Press хабарига кўра, тўқнашган самолётлар АҚШ денгиз флотига тегишли эди. Тинч океани флоти денгиз авиацияси қўмондонлигининг расмий вакили, қўмондон Амелия Умаямнинг айтишича, тўртта экипаж аъзоси ҳам хавфсиз тарзда сакраган ва ерда ҳеч қандай жароҳат олмаган. Учувчиларнинг аҳволи барқарор.
Авиация хавфсизлиги бўйича мутахассис Жефф Гуццетти ҳавода тўқнашувда барча экипаж аъзоларининг хавфсиз равишда самолётдан чиқиб кетиши жуда кам учрайдиган ҳолат эканлигини таъкидлади. Унинг фикрича, бу самолётлар бир-бирига илиниб қолгани ва дарҳол қулаб тушмаганлиги билан боғлиқ.
— Бунинг сабаби техник носозликдан кўра учувчи хатоси эҳтимоли кўпроқ, — деди у.
Авиашоу тўхтатилди ва шоунинг қолган қисми бекор қилинди. АҚШ денгиз флоти ҳодисани текширмоқда.
