Кеча тунда Қатарда ўтаётган футбол бўйича жаҳон чемпионатининг 1/2 финалидан ўрин олган Аргентина — Хорватия учрашуви якунланди. Месси супер ўйин кўрсатган баҳсда Аргентина Хорватияни йирик ҳисобда мағлуб этиб, финалга йўл олди.
Аргентина — Хорватия 3:0
Гол: 34 - Месси, 39 - Альварес, 69 - 39 - Альварес
Аргентина: Мартинес, Молина, Ромеро, Отаменди, Тальяфико, Де Пауль, Паредес, Энцо Фернандес, Мак Аллистер, Месси, Альварес.
Хорватия: Ливакович, Юранович, Ловрен, Гвардиол, Соса, Модрич, Брозович, Ковачич, Пашалич, Крамарич, Перишич.
Кеча суперкомпьютер Аргентина Хорватияни ютишига 66,9 фоиз ишонч билдираётгани, лекин бундан олдинги тахминлар ўзини оқламагани ҳақида хабар қилган эдик. Бу сафар тахминлар ўзини оқлади, Аргентина финалда.
Агар суперкомпьютер тахминларига ишонилса, бугун тунда Франция Марокашни ва финалда Аргентинани ҳам мағлуб қилади. Лекин булар ҳозирча шунчаки тахминлар холос. Гарчи мундиалда саноқли ўйинлар қолган бўлсада, уларда турнур мобайнидаги каби кутилмаган натижалар қайд этилиши эҳтимоли ҳам йўқ эмас.
Демак, барча тахминларнинг амалга ошиш ёки ошмаслиги бугун тунда кечадиган Франция – Марокаш ҳамда 18 декабрь (20:00) куни бўлиб ўтадиган финал баҳсида маълум бўлади.
