Мутахассисларнинг фикрига кўра, ушбу диск натижаларни қайд этиш учун табло вазифасини ўтаган.
Археологлар Чичен-Ица шаҳрида (Юкотан ярим оролининг шимолида) олиб борилган қазишмалар давомида қимматбаҳо топилма топишди. Мутахассисларнинг фикрича, оғирлиги 40 килограмм бўлган юмалоқ тошнинг ёши тахминан 1200 йил бўлиши мумкин. Майя ёзувига ихтисослашган олимлар ҳозирда топилган тошга ўйилган ёзувнинг маъно-мазмунини очишга ҳаракат қилмоқда. Бу орқали улар майяларнинг ҳаёти ва маданияти ҳақидаги қўшимча маълумотларга эга бўлади.
Тлачтли дунёдаги энг қадимги жамоавий спорт турларидан бири ҳисобланган. Уни атстеклар, майялар ва инклар ўйнаган. Тахминларга кўра, XVI асрда Марказий Америка испан конкистадорлари томонидан босиб олингандан сўнг, ўйин йўқолиб кетган.
Мутахассисларнинг фикрича, тлачтли бейсбол ва футбол хусусиятларини бирлаштирган спорт тури ҳисобланган. Ўйин майдонининг ўлчами 8 метрга 30 метрга тенг бўлган. Қоидаларга кўра, ҳар бир жамоада иккитадан бештагача ўйинчи иштирок этиши мумкин эди. Улар тўпни тананинг исталган қисми билан деворга вертикал равишда бириктирилган тош ҳалқага ирғитилари керак эди. Тўп жуда оғир бўлганлиги сабабли, футболчилар ҳимоя дубулғаси, шунингдек, сон ва тизза учун махсус ёстиқчалар кийиб олишган, дейилади mir24.tv сайтида.
