Буюк Британия ташқи ишлар вазири Дэвид Кэмерон Associated Press агентлигига берган интервьюсида шундай деди. Бу ҳақда report.az хабар бермоқда.
Бу йўлда биринчи қадам – бу “ҳарбий ҳаракатлардаги танаффус” бўлиб, у охир-оқибат “доимий ва ишончли ўт очишни тўхтатиш”га айланади, деб ҳисоблайди вазир. Унинг таъкидлашича, “Ғазо 7 октябрь куни Исроилга ҳужум қилган одамлар томонидан назорат қилинар экан, можарони икки давлат асосида ҳал қилиш мумкин эмас”.
Кэмероннинг сўзларига кўра, Фаластиннинг тан олиниши “музокаралар жараёнининг бошида амалга ошмайди, лекин бу жараённинг охиригача кутиш ҳам шарт бўлмайди”.
“Биз фаластинликларга яхши келажак, ўз давлатига эга бўлган келажак истиқболини беришимиз керак”, деди у ва бу “минтақада узоқ муддатли тинчлик ва хавфсизлик учун жуда зарур” эканлигини таъкидлади.
