Олимлар бутун дунё бўйлаб ўнлаб телескопларни бирлаштирган Event Horizon Telescope лойиҳаси ёрдамида 2019-йилда қора туйнукнинг биринчи суратини яратишди. Бу оғирлиги тахминан 6,5 миллиард қуёшга тенг бўлган супермассив қора туйнукнинг фотосурати эди.
Бу қора туйнук биздан 55 миллион ёруғлик йили узоқликда жойлашган улкан эллиптик галактика Мессье 87 ёки М87 марказида жойлашган.
Йиллар давомида олимлар ушбу қора туйнукнинг яна бир яширин хусусияти — фотон ҳалқаси деб аталадиган, қора туйнукнинг тортишиш таъсирини енгиб ўтишга ҳаракат қилаётган нозик фотон ҳалқасини топишга ҳаракат қилишди. Ўта массали қора туйнукнинг асл тасвирини қайта ишлаш ва янгилаш натижасида олимлар фотонларни — қора туйнукнинг кучли тортишиш кучи туфайли объектнинг ҳодиса горизонти атрофида бир неча марта айланишларни амалга оширадиган ёруғлик зарраларини аниқлашга муваффақ бўлишди. Улар шу тариқа фотоник ҳалқа ҳосил қилади.
