Унинг сўзларига кўра, Владимир Зеленскийнинг маслаҳатчилари унга бу таклифга рози бўлишни тавсия қилишган.
Нашр манбаларининг таъкидлашича, “энди келишув эҳтимоли юқорироқ кўринади”. Суҳбатдошлардан бирининг сўзларига кўра, ҳужжат “сезиларли даражада яхшиланган” ва “Украина қонунчилигига мос келади”. Энди келишув гўёки “Зеленскийнинг баъзи хавотирларини инобатга олади”, хусусан, ундан битимни Нью-Йорк судининг юрисдикциясига бўйсундирадиган банд олиб ташланди. Қўшимча тафсилотлар келтирилмаган.
Зеленскийнинг бир қанча маслаҳатчилари унга Дональд Трамп билан “янги можароларга йўл қўймаслик” учун янгиланган ҳужжатни имзолашни ва унга Украинани қўллаб-қувватлаётганини асослаш имкониятини беришни маслаҳат бергани айтилади.
Украина нодир металларини биргаликда ишлаб чиқиш таклифини 2024 йил октябрь ойида Владимир Зеленскийнинг ўзи билдирган эди. АҚШ икки марта Украинага келишув лойиҳасини тақдим этишга уринди: Ғазначилик вазири Скотт Бессентнинг Киевга ташрифи чоғида ва хавфсизлик бўйича Мюнхен конференциясида. Вашингтон Киевнинг ер ресурсларини ўзлаштиришдан тушган даромаднинг 50 фоизини, шунингдек, ушбу ишланмалар учун учинчи шахсларга берилган лицензияларнинг 50 фоизини олади деб тахмин қилинган эди, деб хабар беради kommersant.ru.
