“Аёллар дафтари” ва “Ёшлар дафтари”га киритилган хотин-қизлар доимий эътиборда

Мамлакатимизда 26 мар 2021, 10:00 4 443

Қарши шаҳрида бўлиб ўтган тадбирда “Аёллар дафтари” ва “Темир дафтар”га киритилган ишсиз, боқувчисини йўқотган ҳамда ўзини-ўзи банд қилиш истагини билдирган хотин-қизлардан 30 нафарига тикув машиналари, 16 нафарига микротўлқинли печ тантанали равишда топширилди.

Тадбирда “Ёшлар дафтари”га киритилган ёшлардан 4 нафарига компьютер хизматларини йўлга қўйишлари учун компьютер жамланмаси, 14 нафарига тикувчилик йўналишида ўз фаолиятларини бошлашлари учун тикув машиналари берилди.

Шунингдек, “Ёшлар дафтари”га киритилган ва даволанишга муҳтож ёшлардан 36 нафарига “Ёшлар жамғармаси” маблағлари ҳисобидан бир марталик (980 000 минг сўм миқдорида) моддий ёрдам пулларини олишлари учун сертификат тақдим этилди. Уларни Қарши шаҳар ҳокими Нормўмин Холбоев топширди.