Юртдошимиз Азиз Омонов Теҳроннинг «Истиқлол» клуби билан тузган шартномасини бир тарафлама бекор қилиб, Қаршининг «Насаф» клуби сафига келиб қўшилди.
«Истиқлол» футболчининг «Насаф» учун рўйхатдан ўтишига қаршилик кўрсатмоқда ва унинг трансфер сертификатини тасдиқлашдан бош тортяпти.
Шу боис «Насаф» Азиз Омоновда «Истиқлол» билан шартномани бекор қилиш учун етарлича асос бўлганлигини маълум қилиб, ФИФАга мурожаат қилган эди. ФИФА ишни ўрганиб чиқди ва кеча Қарши клуби сўровини қаноатлантирди. Футболчини Лига рўйхатидан ўтказиш жараёнини якунлашга рухсат берди. Бу ҳақда ПФЛ хабар тарқатди.
Шу ўринда қайд этиш жоизки, Эрон жамоаси ФИФА қарори юзасидан ўн кун ичида апелляция киритиши мумкин.
