Бироз муддатли танаффусдан сўнг яна қайтаётган ушбу спорт мусобақасида академик лицей ва профессионал таълим муассасалари ўқувчи-ёшлари олимпия ўйинлари дастуридан ўрин олган спорт тури ҳисобланмиш волейбол бўйича ғолиблик учун курашади.
Уч кун давом этадиган мусобақаларда барча ҳудудлардан ғолиб сифатида ташриф буюрган қизлар жамоалари республиканинг энг кучлилари номини аниқлаш учун паркетга чиқади.
Маълумот учун, 2021 йилнинг декабрь ойидан бошлаб “Баркамол авлод” спорт ўйинларининг республика финал босқичига старт берилган эди. Ортда қолган вақт давомида ушбу спорт ўйинлари дастуридан ўрин олган 3 та спорт тури бўйича мусобақалар бўлиб ўтди.
Ўтказилган 3 та мусобақадан сўнг якуний жадвални бухоролик спортчилар 41 очко билан бошқариб бормоқда. Жадвалнинг иккинчи ўрнидан 36 очко билан Хоразм вилояти вакиллари жой олган бўлса, учинчи ўринни Қорақалпоғистон Республикаси ва Самарқанд вилояти спортчилари бир хил – 33 очко жамғарган ҳолда эгаллаб турибди.
