“Бавария” Европа Чемпионлар лигаси 1/4 финалининг биринчи ўйинида инглиз клубига ютқазди (3:0).
Bild нашрининг хабарига кўра, Мане ўйиндан кейин кийиниш хонасида жамоадоши Лерой Саненинг юзига мушт туширган ва унинг лабини ёрган.
Футболчилар ўртасидаги келишмовчилик ўйин пайтида футбол майдонида бошланганди, ўйининг 83-дақиқасидаги уларнинг баҳси трансляцияда ҳам акс этган. Сенегаллик футболчи жамоадошининг унга тўпни узатмагани учун жаҳли чиққан. Мазкур эпизоддан кейин улар баҳслашишган. Шундан сўнг кийиниш хонасида можаро сусаймади. Саненинг ўйин пайтида қилган муомаласи Манега ёқмагани зиддиятнинг келиб чиқишига сабаб бўлган бўлиши мумкин.
Жамоадошларининг аралашуви билан жанжал тўхтатилган. Санени тинчланиши учун уни “Etihad Stadium”даги кийиниш хонасидан олиб чиқишга тўғри келган.
Клуб бу ҳодисага ҳозирча расман изоҳ бермади, деб хабар беради sports.ru.
