Ижро буйруғи америкалик юридик ва жисмоний шахсларнинг АҚШ хавфсизлиги ёки демократик қадриятларини бузадиган компанияларга сармоя киритишни таъқиқлайди. Ушбу таъқиқ 2021 йил 2 августдан кучга киради.
Таъкидланишича, қора рўйхатда дунёдаги энг йирик телекоммуникация компаниялардан бири — «Huawei Technologies Co. Ltd», микроэлектроника ишлаб чиқарувчи «Semiconductor Manufacturing International Corporation» (SMIC), Хитойнинг самолёт ишлаб чиқарувчи «Aviation Industry Corporation of China» (AVIC), телекоммуникация компаниялардан «China Mobile Communications Group Co. Ltd.», «China Telecommunications Corporation», «China United Network Communications Group Co. Ltd.» ва бошқалар киритилган.
Хабарда айтилишича, ушбу фармон «АҚШдан келган ҳар қандай шахсга биржада сотиладиган ҳар қандай қимматли қоғозларни сотиш ёки сотиб олишда иштирок этишни таъқиқлайди».
Шунингдек, ушбу ижро АҚШ сармоясининг Хитой мудофаа секторини қўллаб-қувватлашига тўсқинлик қилиши, АҚШ ҳукуматига технологиялар соҳасида Хитой компаниялари таҳдидларига жавоб қайтаришга имкон бериши маълум қилинган.
