Жами 25та банк орқали байрам ва дам олиш кунлари валюта айирбошлаш ва пул ўтказмаларини амалга ошириш мумкин.
Бу ҳақда Марказий банк хабар берди.
Мустақиллик байрами муносабати билан ўзбекистонликлар кетма-кет тўрт кун — 31-августдан 3-сентябргача дам олишади. Бу бўйича ўтган йили президентнинг тегишли фармони қабул қилинганди.
Шундан келиб чиқиб, дам олиш кунлари қуйидаги банклар томонидан валюта айирбошлаш ва пул ўтказмалари шохобчалари фаолият кўрсатади:
- “Agro bank”;
- “Asisa Alliance bank“;
- “Aloqa bank“;
- “Anor bank“;
- “Asaka bank“;
- “Biznesni rivojlantirish banki“;
- “Garant bank“;
- “Davr bank“;
- “InFinbank“;
- “Ipoteka bank“;
- “Ipak Yo‘li banki“;
- “Madad Invest bank“;
- “MKBank“;
- “Octobank“;
- “Orient Finance bank“;
- “Poytaxt bank“;
- “Sanoatqurilishbank“;
- “Saderat bank“;
- “Trast bank“;
- “Turon bank“;
- “Universalbank“;
- “Xalq banki“;
- “Hayot bank“;
- “Hamkorbank“;
- “O‘zmilliybank“.
Шу билан бирга, “24/7” режимида ишловчи автоматлаштирилган валюта айирбошлаш банкоматлари орқали ҳамда банк биносига ташриф буюрмаган ҳолда куннинг исталган вақтида банкларнинг мобил иловалари орқали валюта айирбошлаш операциясини амалга ошириш имкониятлари ҳам мавжуд.
