Наманганга ўз фаолиятини бошлаши билан flydubai Марказий Осиёдаги тармоғини етти пунктгача кенгайтиради, бу БAA ва Форс кўрфази мамлакатлари билан савдо алоқаларини кенгайтириш, фуқароларга эса минтақани кўпроқ кашф қилиш имконини беради.
— Ўзбекистон flydubai учун ривожланаётган бозорга айланди ва биз Наманганга ва келгуси ҳафта Самарқандга парвозлар бошланиши билан тармоғимиз кенгайиб бораётганидан хурсандмиз. Рейсларимизнинг бошланиши БAA ва Ўзбекистон ўртасидаги савдо ва маданий алоқаларни мустаҳкамлайди. Наманган Ўзбекистоннинг йирик шаҳарларидан бири бўлиб, савдо ва ҳунармандчилик маркази сифатида ўзининг аҳамиятини янада мустаҳкамлади. Фарғона водийсида жойлашган бу маскан ўзининг қадимий масканлари, анъанавий ҳунармандчилиги ва муҳташам меъморчилиги билан машҳурдир, — деди Flydubai бош ижрочи директори Ғайт Aл-Ғайт.
— Марказий Осиё flydubai учун тез ривожланаётган бозорга айланди, бу ерда фаолият бошлаганимиздан буён биз саёҳатга барқарор талабни кўрдик. Биз Наманганлик саёҳатчиларни flydubai тармоғининг Жидда, Мадина ва Мале каби бошқа нуқталарига етказиш учун хизмат қилишни ҳам режалаштирганмиз, — деди Flydubai авиакомпаниясининг тижорат операциялари ва электрон тижорат бўйича катта вице-президенти Жейхун Aфанди.
Aвиакомпания Марказий Осиёнинг етти йўналиши бўйича, жумладан, Қозоғистоннинг Олмаота ва Нур-Султон, Қирғизистоннинг Бишкек, Тожикистоннинг Душанбе, Ўзбекистоннинг Наманган, Самарқанд ва Тошкент шаҳарларига парвозларни амалга оширади. Бу ҳақида Наманган вилояти ҳокимлиги хабар бермоқда.
