Бу ҳақда Bloomberg ёзди.
Унинг маълумотларига кўра, Европада ҳарбий ҳозирликни кучайтириш АҚШ Президенти Дональд Трамп ва унинг маъмуриятига Европа қитъаси орол ва умуман Арктика хавфсизлигини таъминлашга жиддий ёндашишини намойиш этади, деб ҳисобланмоқда. Хусусан, Германия Арктикани ҳимоя қилиш учун оролга қўшма НАТО миссиясини юборишни таклиф қилишни режалаштирмоқда. Шу билан бирга, Буюк Британия Бош вазири Кир Стармер иттифоқчиларни олис шимолда ҳарбий иштирокини оширишга чақирмоқда.
Германия ташқи ишлар вазири Йоханн Вадефуль келаси ҳафта бошида АҚШга келиши кутилмоқда, у Вашингтонда Давлат котиби Марко Рубио билан учрашади. Шунингдек, у Нью-Йоркда БМТ Бош котиби Антониу Гутерриш билан учрашишни режалаштирмоқда.
АҚШ Президенти Дональд Трамп Гренландиянинг АҚШга қўшилиши зарурлигини бир неча бор таъкидлаган. Биринчи муддати давомида у оролни сотиб олишни таклиф қилди ва 2025 йил март ойида уни аннекция қилиш мумкинлигига ишонч билдирди. Оқ уй аппарати раҳбари ўринбосари Стивен Миллер аввалроқ Даниянинг орол устидан назорат қилиш ҳуқуқини шубҳа остига қўйган эди.
Гренландия Дания таркибидаги автоном ҳудуд. 1951 йилда Вашингтон ва Копенгаген НАТО доирасидаги иттифоқчилик мажбуриятларига қўшимча равишда мудофаа тўғрисида шартнома имзолаган. Унга мувофиқ, АҚШ оролни эҳтимолий тажовуздан ҳимоя қилиш мажбуриятини ўз зиммасига олган, деб хабар берди tass.ru.
