Bu haqda Bloomberg yozdi.
Uning ma'lumotlariga ko'ra, Yevropada harbiy hozirlikni kuchaytirish AQSh Prezidenti Donald Tramp va uning ma'muriyatiga Yevropa qit'asi orol va umuman Arktika xavfsizligini ta'minlashga jiddiy yondashishini namoyish etadi, deb hisoblanmoqda. Xususan, Germaniya Arktikani himoya qilish uchun orolga qo'shma NATO missiyasini yuborishni taklif qilishni rejalashtirmoqda. Shu bilan birga, Buyuk Britaniya Bosh vaziri Kir Starmer ittifoqchilarni olis shimolda harbiy ishtirokini oshirishga chaqirmoqda.
Germaniya tashqi ishlar vaziri Yoxann Vadeful kelasi hafta boshida AQShga kelishi kutilmoqda, u Vashingtonda Davlat kotibi Marko Rubio bilan uchrashadi. Shuningdek, u Nyu-Yorkda BMT Bosh kotibi Antoniu Guterrish bilan uchrashishni rejalashtirmoqda.
AQSh Prezidenti Donald Tramp Grenlandiyaning AQShga qo'shilishi zarurligini bir necha bor ta'kidlagan. Birinchi muddati davomida u orolni sotib olishni taklif qildi va 2025-yil mart oyida uni anneksiya qilish mumkinligiga ishonch bildirdi. Oq uy apparati rahbari o'rinbosari Stiven Miller avvalroq Daniyaning orol ustidan nazorat qilish huquqini shubha ostiga qo'ygan edi.
Grenlandiya Daniya tarkibidagi avtonom hudud. 1951-yilda Vashington va Kopengagen NATO doirasidagi ittifoqchilik majburiyatlariga qo'shimcha ravishda mudofaa to'g'risida shartnoma imzolagan. Unga muvofiq, AQSh orolni ehtimoliy tajovuzdan himoya qilish majburiyatini o'z zimmasiga olgan, deb xabar berdi tass.ru.
