Аниқланишича, 18 июль куни Янгийўл тумани «Ибрат» МФЙда жойлашган «Оминахон» номли нодавлат оилавий МТТда тарбиячи бўлиб ишловчи аёл Ҳ.А. (2002 йилда туғилган) шу боғчадаги икки нафар (5-6 ёшли) ўғил болалар ўзаро талашиб, машғулотга ҳалал бергани учун уларни уришиб, уй оёқ кийими билан урган.
Воқеага гувоҳ бўлган шахс тасвирга олиб, ижтимоий тармоқларда тарқатган.
Вилоят ИИББ матбуот хизматининг хабар беришича, ҳолат юзасидан ИИБ томонидан тарбиячи ва бошқа масъуллар билан профилактик суҳбат ўтказилиб, болаларни суд тиббий экспертизасидан ўтказиш учун йўлланма берилган.
Экспертиза хулосаси ва ўтказилаётган терговга қадар текширув натижаси бўйича қонуний қарор қабул қилиниши таъминланади.
Ўрганиш давомида тарбиячи тегишли тартибда ишдан бўшатилиб, тадбиркор огоҳлантирилди.
