Тумандаги мактаблардан бирида математика фани ўқитувчиси сифатида фаолият юритадиган мурожаатчининг сўзларига кўра, шу мактаб директорининг ўқув-тарбия ишлари бўйича ўринбосари йиғилишларда уни обрўсизлантиришга ҳаракат қилиб келган. Муаллимга босим ўтказиш орқали дарс соатларини танишларига ўтказиб берган.
Фуқаронинг мурожаати назоратга олиниб, вилоят халқ таълими бошқармаси билан биргаликда ишчи гуруҳ тузилган ҳолда ўрганилди. Ўрганиш давомида директор ўринбосарининг фаолиятида қатор камчиликларга йўл қўйилгани аниқланиб, мурожаатчидан қонунга зид равишда олинган ўқув соатлари ўзига қайтарилди.
Мактаб директорининг ўринбосари эса эгаллаб турган лавозимидан озод этилган, дейилади Инсон ҳуқуқлари бўйича вакил (омбудсман)нинг ахборот хизмати хабарида.
