Британиялик генетиклар COVID-19нинг шу пайтгача маълум бўлган турига кўра тезроқ тарқаладиган янги инфекцияни кашф этдилар. Таъкидланишича, аллақачон Англиянинг жанубидаги турли ҳудудларда янги турдаги вирусни юқтирган минг нафарга яқин одам рўйхатга олинган.
Газетанинг хабар беришича, шанба куни яна бир фавқулодда йиғилиш бўлиб ўтди. Шундан сўнг Бош вазир Борис Жонсон ва Англиянинг бош санитария ходими Крис Уитти матбуот анжумани ўтказиши кўзда тутилмоқда.
Нашр суҳбатдошининг сўзларига кўра, ё учинчи карантин эълон қилинади ёки амалдаги чекловларнинг сезиларли даражада кучайиши кутилмоқда.
Сўнгги бир ҳафта ичида мамлакатда аниқланган юқумли касалликлар сони 41 фоизга ошган. Пандемия бошланганидан буён Буюк Британияда жами икки миллиондан ортиқ одам касаллик юқтирган.
