Олий таълим вазирлигининг маълум қилишича, абитуриентлар бугун, соат 23:59 га қадар рўйхатдан ўтишлари ёки (тўлов амалга оширилган бўлса ҳам) маълумотларига ўзгартириш киритишлари мумкин. 26 июндан бошлаб маълумотларни таҳрирлаш имконияти ёпилади.
Шу муносабат билан Олий таълим вазирлиги абитуриентларга қуйидагиларни тавсия этди.
- Рўйхатдан ўтишни кечиктирмасдан, имкон қадар эрта якунлаш;
- Фанлар мажмуаси (кетма-кетлиги), таълим тили ва тест топшириш ҳудудини танлашда хатоликларга йўл қўймаслик;
- Халқаро сертификатларини тизимга имкон қадар эртароқ юклаш;
- Тест синови учун тўловни ўз вақтида амалга ошириш (имтиёзга эга бўлганлар бундан мустасно);
Вазирлик томонидан барча киритилган маълумотлар ва тўлов ҳолатини шахсий кабинет (қайд варақаси) орқали текшириб чиқиш кераклиги эслатилди.
my.uzbmb.uz ҳаволаси орқали рўйхатдан ўтилади.
