Бугун кўҳна қитъада Европа Чемпионлар лигаси чорак финал ўйинлари старт олади. Испаниянинг “Атлетико” клуби Англиянинг “Манчестер Сити”си билан, Англиянинг яна бир клуби “Ливерпуль” эса Португалиянинг “Бенфика”си билан дастлабки учрашувни ўтказади.
Биринчи ўйин олдидан “Атлетико” бош мураббийи Диего Симеоне “Манчестер Сити” устун эканлигини тан олди.
“Рақиб футболчилари бизнинг футболчилардан яққол кучли. Менга “Ман Сити” каби жамоалар футболчиларининг тўпни қайтариб олиш ва рақибга ҳужумкор футбол таклиф қилиш учун қилган ҳаракатлари кўпроқ ёқади”, деди у.
