Бугун кўҳна қитъада футбол бўйича Европа Чемпионлар лигаси ярим финал ўйинлари бошланади. Англияда ўтадиган биринчи кунги баҳсда “Манчестер Сити” Испаниянинг Қироллик клубига қарши майдонга тушади. Манчестерликлар ўтган йили ушбу турнирнинг финалигача етиб борган ва “Челси”га ютқазган эди.
“Реал” бош мураббийи Карло Анчелотти ўйин олдидан УЕФА сайтида ўз фикрларини билдирди.
“...Биз учун ярим финалга чиқиш муваффақият эмас. Финалга чиқиш иштиёқидамиз. Мақсадимиз финал ва “Реал”нинг финалга йўл олиши одатда турнирда ғолиб бўлиш имкониятини оширади”, деди у.
Эслатиб ўтамиз, “Реал” шу пайтга қадар 13 марта ЕЧЛ ғолиби бўлган.
