Таъкидланишича, уч аёл ва бир эркак ўзаро олдиндан тил бириктириб, жабрланувчининг уйига гўёки Шоҳрух исмли йигитни сўраб келган бўлиб, алдов йўли билан уйга кириб олади.
Сўнг, олдиндан бўлган келишмовчиликни баҳона қилиб, уни хонадан ётоқхонасига олиб киради ва жабрланувчининг сочларини зўрлик билан кесиб ташлаган.
Ҳолатни тасвирга олиб, жабрланувчини кейинчалик ижтимоий тармоқларда тарқатиш билан қўрқитиб воқеа жойидан кетишган.
Суд-тиббий экспертизаси хулосасига кўра, аёлга енгил турдаги тан жароҳати етказилган.
Бу ҳақда Вилоят ИИБ ахборот хизмати матбуот хизмати Шуҳрат Жалоловнинг маълум қилишича, олиб борилган тезкор тадбир давомида жиноий гуруҳ аъзолари қўлга олинган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, дастлабки тергов ҳаракатлари олиб борилмоқда.
