Чиқиндиларни бошқариш агентлигининг хабар беришича, ушбу йирик саноат объекти Хитой Халқ Республикасининг «Wangneng Environment» компанияси иштирокида барпо этилмоқда.
Лойиҳанинг умумий қиймати 140 миллион АҚШ долларини ташкил этиб, у тўлиқ тўғридан-тўғри хорижий инвестициялар ҳисобига молиялаштирилмоқда.
Мазкур завод ишга тушгач, йилига 547,5 минг тонна қаттиқ маиший чиқиндиларни қайта ишлаш қувватига эга бўлади. Натижада ҳудудда йилига 230 миллион кВт/соат электр энергияси ишлаб чиқарилади. Шунингдек, ушбу янги корхона ҳудуд аҳолиси учун қўшимча 150 та янги иш ўрни яратилишига хизмат қилади.
