Бухоро вилояти божхона бошқармаси “Олот” чегара божхона постига қўшни мамлакатдан кириб келган юк автомашинаси белгиланган тартибда божхона кўригидан ўтказилганида, автомашинада юк кузатув ҳужжатларида кўрсатилмаган ва умумий қиймати 1 млрд. 800 млн. сўмлик турли хилдаги кийим-кечак товарлари борлиги аниқланди.
Яна бир ҳолатда мазкур постга қўшни давлатдан кириб келган юк автомашинаси белгиланган тартибда божхона кўригидан ўтказилганида юк кузатув ҳужжатларида кўрсатилганидан ортиқча бўлган, 19 номдаги умумий қиймати 1 млрд. 066 млн. сўмга тенг бўлган автомобиль эҳтиёт қисмлари, уй-рўзғор буюмлари ва кийим-кечак товарлари борлиги аниқланди.
Навбатдаги ҳолатда эса, қўшни мамлакатдан кириб келган юк автомашинаси божхона ходимлари томонидан божхона кўригидан ўтказилганида, автомашинада юк кузатув ҳужжатларида кўрсатилмаган 155 дона қиймати 336 млн. сўмлик чангютгич борлиги аниқланди.
