Вилоятда “Ромстар” қўшма корхонаси, “Кумушкент ипаги”, “Bukhara Brilliant Silk” каби масъулияти чекланган жамияти шаклидаги пиллани қайта ишлаш корхоналари билан илк мавсумнинг ўзида 1913 та фермер хўжалигининг жами 15 минг 828 та оилавий звеноси, қолаверса, 13 минг 533 нафар касаначиси билан тузилган шартномаларга мувофиқ, “кумуш тола” миришкорлари барча қийинчиликларни машаққатли меҳнатлари билан мардонавор енгиб ўтиб, алоҳида фидойилик кўрсатдилар.
Жорий йилдан тўрт мавсумда парваришлашга ўтилган пиллачиликнинг дастлабки босқичида 33 минг 938 қути ипак қурти парваришланди ва шу кеча-кундузга келиб, туманлардаги қабул масканларида йиғилган “кумуш тола” хирмони режадаги 1 минг 635 тонна ўрнига амалда 1 минг 648 тоннага етказилгани катта муваффақиятдир. Бунда 332 тонна улуш билан ҳисса қўшган Ғиждувон, 255 тонна қимматбаҳо хом ашё тайёрланган Жондор, 206 тонналик пилла хирмони барпо этилган Вобкент тумани миришкорларининг меҳнатини алоҳида эътироф этиш лозим.
