Буюк Британияда коронавируснинг янги штамми билан касалланиш ҳолатлари аниқланди

Саломатлик 24 июл 2021, 17:14 68

Буюк Британия соғлиқни сақлаш хизмати (PHE) мутахассислари томонидан мамлакатда коронавируснинг янги — B.1.621 мутацияси билан касалланиш билан боғлиқ ҳолат аниқланди, дея хабар беради korrespondent.net.

Қайд этилишича, Буюк Британияда 16 киши COVID-19нинг мазкур штамми билан касалланган.

Айни пайтда ушбу штаммнинг хавфлилик даражаси, мавжуд вакциналарнинг унга нисбатан қандай самара бериши аниқ эмас.

Эслатиб ўтамиз, коронавируснинг B.1.621 штамми билан касалланиш билан боғлиқ илк ҳолат Колумбияда январь ойида қайд этилган эди. Шундан сўнг ушбу штамм 26 мамлакатда ҳам кузатилган. Лекин мазкур штамм билан касалланиш билан боғлиқ ҳолатларнинг деярли ярми АҚШда қайд этилди.